अर्थमन्त्रीयात धयाः हे राजीनामा : खनाल
Posted on Sun Apr 3, 2011 8:09 pm NST
अर्थमन्त्री भरतमोहन अधिकारीनापया विवाद लिपा राजीनामा बियादीम्ह अर्थसचिव रामेश्वर खनालं थःम्हं अर्थमन्त्रीयात धयाः हे राजीनामा बियाःगु खँ धयादीगु दु । वय्कलं अर्थमन्त्रीं राजीनामा मब्यूसां ज्यू धकाः सुझाव ब्यूगु नं धयादिल ।
येँय् थौ जूगु छगू साक्षात्कार ज्याझ्वलय् खनालं थःम्हं राजीनामा बिइधुंकूगुलिं आः उगु हे थासय् हानं लिहांमवनीगु धयादिल । वय्कलं पिनेपिहांवःगु बुखँ थें भ्याट छलीया विषयलय् विवाद जुयाः थःम्हं राजीनामा मबीयाःगु नं स्पष्ट यानादिल ।
वय्कलं पूरक बजेट हयेगु विषयलय् नेतृत्वं ग्वाहालि मयाःगु महसुस यायेवं थःम्हं राजीनामा बियाःगु धयादिल । अर्थमन्त्रालयं तयार याःगु पूरक बजेटया पलेसा अर्थमन्त्रीं पिनें मेगू मस्यौदा हयेवं थःत नेतृत्वं अविश्वास याःगु महसुश यानाः राजीनामा बियाःगु धयादिल ।
News Location:
