सहकार्य व सहअस्तित्वया भावना कथं छप्पँ जुइत प्रमया इनाप
प्रधानमन्त्री झलनाथ खनालं राजनीतिक दलतय्त छुं नं आग्रह पूर्वाग्रह मयासें सहकार्य व सहअस्तित्वया भावना कथं छप्पँ जुइत इनाप यानादीगु दु ।
५४क्वःगु शहकारी दिवसया लसताय् आइतवाः भृकुटीमण्डपय् जूगु ज्याझ्वःया उलेज्या यानादिसें प्रधानमन्त्री खनालं व्यक्तिगत वा दलगत स्वार्थया हुनिं देशय् अग्रगामी रुपान्तरण सम्भव मजूगु धयादिल ।
वय्कलं फुक्कं शक्तित छप्पँ जुयाः देशय् दिगे शान्ति व न्हूगु संविधान बिइत सरकार प्रयन्तशील जूसां दलत छप्पँ जुइमफुगु धयादिल । वय्कलं राष्ट्रिय सहमतिया औचित्ययात आत्मसात यानाः सरकारं सहमतिया निंतिं कुतः यानाच्वंसां राजनीतिक शक्तित दथुइ एकता व सहकार्यया कुतलं सार्थकता कायेमफुगु धयादिल ।
अथेहे वय्कलं देय्या विकासया निंतिं सहकारीं तःधंगु भूमिका म्हितिगु धयादिसें सहकारी कमजोर जूसा: अर्थतन्त्र अपांग थें जुइगु धयादिल ।
News Location:
