जनजातियात गाडी चले यायेगु तालिम
हेटौंडा (सन्ध्या टाइम्स)/आदिबासी जनजातितय् लागिं ग्वसाः ग्वःगु लछियंकंया हल्का सवारी चालक तालिम हेटौंडा शुरु जुल। जिल्ला बिकास समिति/आदिबासी जनजाति जिल्ला समन्वय समिति मकवानपुरया आर्थिक ग्वाहालिपाखें रानाभाट ड्राईभिङ्ग सेन्टर हेटौंडापाखें उगु तालिम बीत्यंगु खः। ज्याझ्वलय् छम्ह मिसा नापं २० म्ह आदिबासी जनजातितय् सहभागिता दु ।
तालिमया उलेज्या मकवानपुरका निमित्त स्थानीय विकास अधिकारी पुरुषोत्तम ढकालं यानादीगु खः। ज्याझ्वलय् आदिवासी जनजाति जिल्ला समन्वय समिति मकवानपुरया उपाध्यक्ष विष्णुराम प्रजा, सदस्य सचिब रामकृष्ण थापा, दुजः बिवेक राई, रानाभाट ड्राईभिङ्ग सेन्टर हेटौंडाया शेरबहादुर रानाभाटपिंसं उगु तालिमया महत्व बारे कनादीगु खः ।
