माओवादी नेतायात कार्यकर्ताया ख्याच्वः
येँ (सन्ध्या टाइम्स)/नेकपा (माओवादी)या ल्याय्म्ह कार्यकर्तातय् युवा दवाव समूहं यदि नेतातय्सं थःथः मिले मजुसे पार्टी तछ्यायेगु कुतः यात धाःसा उमिगु सत्य खँ जनताया न्ह्यःने तया बीगु ख्याच्वः बिउगु दु। माओवादीया स्वंगुलिं खेमाया ल्याय्म्ह कार्यकर्तात च्वनाः नीस्वंगु उगु दवाव समूहं म्हिगः पार्टीया मू ज्याकुथी वनाः स्वम्हं नेतातय्त छथाय् हे तयाः नापलासें थ्व ख्याच्वः बिउगु खः। पार्टीइ बैठकया लागिं वयाच्वंपिं नेतातय्त छगू हे दबुली तयाः कार्यकर्तातय्सं यदि नेतात थथे हे ल्वानाच्वन धाःसा देशय् न शान्ति जुइ, न जनविद्रोह नं जुइ धासें नेतातय् पहलं यानाः कार्यकर्ताया दथुइ व्यापक निराशा ब्वलंगु खँ धाःगु खः ।
