अफगानिस्तानय् न्याम्ह नेपाःमित सित

अफगानिस्तान स्थित राष्ट्रसंघीय ज्याकूथी मुस्लिम धर्मालम्बितय्सं याःगु आक्रमणय् लानाः न्याम्ह नेपाःमित सीगु दु । सुरक्षाकःमिया ज्या यानाच्वंपिं नेपाःमित उगु आक्रमणय् लानाः मदुगु खँ धाःगु दु ।

इस्लाम धर्मग्रन्ध च्याकूगु विरोधय् आकोशित मुस्लिमतय्सं मजार-ए-सरफस्थित राष्ट्रसंघया ज्याकूथी आक्रमण याःगु खः । आक्रमणय् लानाः न्याम्ह नेपाःमित सहित च्याम्ह सीगु खः । घटनाय् लानाः सीपिं नेपाःमितय् नां धाःसा सीकेमफुनीगु खँ धाःगु दु ।

शुक्रवाः छगू मस्जिदय् प्रार्थना यानाच्वंगु इलय् इस्लाम धर्मगुरुं न्यंकेवं आक्रोशित मुस्लिम धर्मालम्बितय्सं अन आक्रमण याःगु खः । राष्ट्रसंघ ज्याकू पिने नाराबाजी व धर्ना बियाच्वंसां आक्रोशित मनूतय्सं छक्वलं अन आक्रमण याःगु खः ।