जागरण मञ्चया अधिवेशन बैशाखं
येँ (सन्ध्या टाइम्स)/ नेवाः जागरण मञ्चया न्हापांगु अधिवेशन थ्वहे वइगु बछलागा द्वादशी बैशाख ३१ गते याइगु जूगु दु । स्वदँय् छकः अधिवेशन यायेमाःगु माचया प्रावधान कथं वंगु चिल्लागा षष्ठी कुन्हु स्वदँ क्यंगु खः । मञ्चया संयोजक सुजीव वज्राचार्यया सभापतित्वय् नकतिनि च्वंगु मुँज्यां अधिवेशनया तिथि क्वःछिउगु खः । अधिवेशनया नितिं कचा कवःया पुनर्गठन बैशाख १५ दुने क्वचायेकेगु निर्णय याःगु दु ।
अधिवेशन न्ह्यः मञ्चय् आवद्ध जुइत वयाच्वंगु दुजःपौ मध्ये सछिम्हेसिया दुजःपौ स्वीकृत याःगु दुसा चैत्र २६ शनिवाः साधारण दुजःपौ लःल्हायेगु ज्याझ्वः दु । जागरण मञ्चं नेवाः हकहित संरक्षणया झ्वलय् आःतक याना वयाच्वंगु ज्याखँया समिक्षा यासें मुँज्यां नेवाःतय्त जागृत यायेगु निंतिं न्हापांगु अधिवेशन महत्वपूर्ण ज्याझ्वःत निरन्तररुपं पित बीगु निर्णय याःगु खः ।
