हत्याया विरोधय् चाबहिली चक्का जाम

येँ (सन्ध्या टाइम्स)/ येँनं अपहरण याना यंकूम्ह छम्ह फर्निचर व्यापारीयात नवलपरासीइ यंकाः स्याःगु घटनाया विरोधय् दोषीयात कारवाही यायेमाः धइगु माग यासें चाबही लागाया व्यापारीतय्सं थौं १२ बजेनिसें अन चक्का जाम याना बिउगु दु । चाबहीया महांकाल फर्निचर सेन्टर चले यानाच्वंम्ह भीमप्रसाद पन्त वंगु बुधवाःनिसें बेपत्ता जुयाच्वंगु खः । वय्कःयात नवलपरासीइ स्यानाः वांछ्वयातःगु अवस्थाय् म्हिगः लुइकूगु खः । हत्यारा पत्ता लगे याये मफुनि ।