मथुराया 'कस्ति' पिदन
येँ (सन्ध्या टाइम्स)/नांजाःम्ह उपन्यासकार मथुरा साय्मिया न्हूगु बाखं मुना सफू 'कस्ति' थौं छगू ज्याझ्वःया दथुइ मूपाहां नेपालभाषा परिषद्या नायः भाजु फणिन्द्ररत्न वज्राचार्यं पित ब्वज्या यानादिल ।
नेपालभाषाया नांजाःम्ह गजल च्वमि नापं बाखं च्वमि भूषणप्रसाद श्रेष्ठया सभापतित्वय् जूगु ज्याझ्वलय् पित ब्वज्या जूगु सफूयात कयाः नेपालभाषा केन्द्रीय विभागया प्रमुख प्रा. मय्जु प्रेमशान्ति तुलाधरं समीक्षा यानादीगु खः।
सफूया प्रकाशन संस्था अर्थपिथना प्रकाशनया सुरेशकिरण मानन्धरं लसकुस यानादीगु ज्याझ्वलय् बाखं च्वमि नापं उपन्यासकार मथुरा साय्मिं विमोचित सफूतिइ च्वंगु छपु बाखं नं ब्वनाः न्यंकादीगु खः ।
