पार्टी विभाजन जुइमबिइत युवा नेतातय् दबाव
Posted on Fri Apr 1, 2011 1:35 pm NST
स्वंगू बिस्कं खेमाय् खनेदुगु एनेकपा (माओवादी) दुने विवाद अप्वयाच्वंगु इलय् उगु हे पार्टीया युवा नेतातय्तसं पार्टी विभाजन जुइमबिइत दबाव ब्यूगु दु । पार्टी नायः पुष्पकमल दाहाल 'प्रचण्ड', वरिष्ठ न्वकु मोहन वैद्य 'किरण' व न्वकु डा. बाबुराम भट्टराई दथुइया विवाद अप्वयेवं युवा नेतातय्सं दबाव ब्यूगु खः ।
माओवादी पार्टी ज्याकू पेरिस डाँडाय् थौं स्थायी समितिया मुँज्या च्वनाच्वंगु इलय् अखिल क्रान्तिकारीया पुलाम्ह नायः लेखनाथ न्यापाने नापं सच्छि मल्याक वःपिं युवा नेता व कार्यकर्तातय्सं पार्टीयात तछ्या मदइगु धासें दबाव ब्यूगु खः ।
उमिसं पार्टी दुने बैचारिक संघर्ष जूसां थुकिं पार्टी विभाजन पाखें यंकेमज्यूगु धासें आपलं सहिदतय्सं थःगु ज्यान पाःया निर्माण जूगु पार्टीयात विभाजन यायेगु ज्या थःपिंत स्वीकार मजुइगु ख्याच्वः ब्यूगु खः ।
News Location:
