थां सलंसः मिटर ताःहाकःगु बेतालिं चिकीगु

येँ (सन्ध्या टाइम्स)/ पाहांचःह्रे नखःया झ्वलय् ग्वल देशय् थौं सलंसः मिटर ताःहाकःगु बेतालिं चिकेगु धार्मिक ज्याझ्वः जुइत्यंगु दु । ग्वलया पिङ्गलास्थानय् थौं बहनी वर्णाश्रम कथं नेवाः समुदाय दुनेया प्यंगू जातिया थाकुलिपिंत नापं तयाः पुजा यासें थ्व बेतालिं चिकीगु खः । थुकी छम्हेसिया छ्यनय् हे सलंसः मिटर ताःहाकःगु कापःया बेतालिं चीगु जुयाः थाकुलिपिंसं झ्यातुयाः छ्यं तकं ल्ह्वने फइ मखु गुकिं यानाः उमित प्यम्ह न्याम्ह ग्वाहालिपिंसं तिनि ज्वनाः यंकी ।