माओवादीया इनाप : 'मजदुर व उद्यमी दथुइ वार्ताया निंतिं पहल या'

थीथी उद्योगय् मजदुरतय् हडतालया हुनिं उद्योग संचालन जुइमफयाच्वंगु प्रति एनेकपा (माओवादीं) च्यूताः प्वंकूगु दु । माओवादीं मजदुर व उद्योमीत दथुइ वार्ता याकाः उद्योग संचालन याकेत पहल यायेत सरकारयात इनाप याःगु दु ।

माओवादीया बिहीवाः च्वंगु स्थायी समितिया मुँज्यां उद्योगय् खनेदुगु समस्या समाधान यायेत मजदुर व उद्यमीत दथुइ वार्ताया निंतिं पहल यायेत सरकारयात इनाप याःगु खः । माओवादीं निगू पक्ष दथुइ समस्या जुयाः औद्योगिक क्षेत्रय् गम्भीर लिच्वः लाःगु नं धाःगु दु ।

मुँज्या लिपा छगू विज्ञप्ति पिथनादिसें माओवादी प्रवक्ता दिनानाथ शर्मां उद्योगया समस्या तत्काल समाधान यायेत मजदुर व उद्यमीत दथुइ वार्ताया निंतिं सम्बन्धि मन्त्रालय मार्फत पहल यायेत सरकारयात इनाप यायेगु खँ न्ह्यथनातःगु दु ।