बाराय् बम मुयाः छम्ह घाःपाः

येँ सन्ध्या टाइम्स÷अज्ञात पुचलं तयातःगु बम मुयाः बाराय् छम्ह घाःपाः जूगु दु । थौं सुथय् ६ बजेपाखे बाराया लिपनीमाल धइगु थासय् च्वंगु क्रसर उद्योगय् अज्ञात पुचलं तयातःगु बम मुयाः वीरेन्द्र यादव घाःपाः जूगु खः । यादवयात याक्वय् व तुतिइ बमया छर्रा लाःगु खः । घाःपाः जूम्ह यादवया वासः नारायणी उपक्षेत्रीय अस्पताल वीरगाजय् जुयाच्वंगु दु ।

बम सुनां मुइकूगु खः धइगु खँ सीमदुनिसा बम मुइकूगु जिम्मा नं सुनां नं काःगु मदुनि । वंगु छुं न्हि न्ह्यः जक बाराया कलैयाय् च्वंगु छगू बोर्डिङ्ग स्कूलया छात्राबासया लुखाय् नं अज्ञात पुचलं बम तयातःगु खः ।