माओवादी मजदुरया स्वंगूलिं संगठन भंग
एकीकृत नेकपा (माओवादीं) थ:गु पार्टीया स्वंगू समान्तर मजदुर संगठन भंग याःगु दु । स्वंगू खेमाय् विभाजन जुया स्वंगू हे समान्तर मजदुर संगठन विस्तार जुइवं स्वंगूलिं संगठन भंग याःगु ख: ।
माओवादी पार्टी ज्याकू पेरिस डाँडाय् मंगलवाः च्वंगु स्थायी समितिया मुँज्यां नायः पुष्पकमल दाहाल 'प्रचण्ड', वरिष्ठ न्वकु मोहन वैद्य 'किरण' व मेम्ह न्वकू डा. बाबुराम भट्टराई पक्षया मजदुर संगठन विघटन याःगु खः ।
मुँज्यां स्वंगू समान्तर संगठनयात भंग यानाः राष्ट्रिय सम्मेलन ग्वासाः समिति निस्वनेगु निर्णय याःगु दु । तर अज्याःगु संगठन स्वंगूलिं खेमाया पक्षधरनाप सहलह यायेधुंकाः जक निस्वनीगु धाःगु दु ।
माओवादी मजदुर संगठन दुने ल्वापु तकं जुइवं पार्टीं थज्याःगु निर्णय काःगु खः । पार्टीया समान्तर मजदुर संगठनय् शालिकराम जमकटेल प्रचण्ड समर्थित, बद्री बजगाई वैद्य समर्थित व लालध्वज नेम्वाङ भट्टराई समर्थित खः ।
अथेहे मुँज्यां तराईलय् श्रृंखलाबद्ध रुपं जुयाच्वंगु हिंसात्मक गतिविधिया भर्त्सना यासें विष्फोट जूगु थासय् माओवादीं चैत २० गते विरोध सभा यायेगु निर्णय याइगु जूगु दु ।
News Location:
