आर्थिक ग्वाहालि दिकेगु भारतया ख्याच्वः
Posted on Mon Mar 28, 2011 9:20 pm NST
नेपा:स्थित भारतीय राजदूत राकेश सुदं नेपालय् भारतीय ग्वाहालिइ न्ह्यानाच्वंगु विकास आयोजनाया ज्या निर्वाधरुपय् अनुगमन यायेमखंसाः भारतं बियावयाच्वंगु ग्वाहालि दिकेगु ख्याच्वः बियादीगु दु ।
धनगढीस्थित गेटा विमानस्थलय् सोमवाः पत्रकारतनाप खँल्हाबंला यानादिसें राजदूत सुदं भारतया ग्वाहालिइ न्ह्यानाच्वंगु विकास निर्माणया आयोजनाय् ब्वति कायेमदुसाः छाय् ग्वाहालि यायेगु धकाः न्ह्यसः न्यनादिल । तर वय्कलं भारतं नेपाःया आर्थिक विकास स्वये चाहेजूगु नं धयादिल ।
कञ्चनपुर व कैलालीइ भारतीय सरकारया ग्वाहालि निर्माण जूगु ब्वनेकुथीया भवनलगायत विकास निर्माणया आयोजनाया उलेज्या लिपा धनगढी थ्यंकादीम्ह राजदूत सुदं भारतीय सरकारया आर्थिक सहायताय् संचालित विकास निर्माणया ज्या स्वयेगु व उलेज्या यायेदयेमाःगु स्वभाविक जूगु धयादिल ।
News Location:
