हानं यात्रुबहाक बसय् बम विष्फोट
Posted on Sun Mar 27, 2011 11:37 pm NST
बाँकेया कोहलपुर-नेपालगञ्ज सतक खण्डय् यात्रुबहाक बसय् बम विष्फोट जूगु कन्हय् कुन्हु हानं बुटवलय् छगः यात्रुबहाक माइक्रोबसय् बम विष्फोट जूगु दु ।
आइतवाः सनिलय् ६ बजे भैरहवां बुटवलपाखे वयाच्वंगु लु. १. ख. ३६६६ नम्बरया माइक्रोबस बुटवलया मिलनचोकय् थ्यनेवं बम विष्फोट जूगु खः । विष्फोटय् लानाः २३म्ह यात्रुत घाःपाः जूगु दुसाः घाःपाः जूपिं मध्ये ५म्हेसिया अवस्था गम्भीर दु । घाःपाः जूपिंत बुटवलस्थित लुम्बिनी अञ्चल अस्पतालय् वासः याकातःगु दु ।
विष्फोटया हुनिं माइक्रोबस तकं क्षतिग्रस्त जूगुलिं बम शक्तिशाली जूगु अनुमान प्रहरीं याःगु दु । तर बसय् सुनां विष्फोट याःगु यकिन जुइमफुनीगु खँ प्रहरीं धाःगु दु । प्रहरी ज्याकू बुटवलं घटनाया बारे अनुसन्धान जुयाच्वंगु धाःगु दु ।
News Location:
