खुमबहादुरयात झिंन्यान्हु दुने अदालतय् उपस्थित जुइत आदेश

नेपाली कांग्रेसया नेता नापं पुलाम्ह मन्त्री खुमबहादुर खड्कायात झिंन्यान्हुया दुने अदालतय् उपस्थित जुइत सर्वोच्च अदालतं आदेश ब्यूगु दु ।

भ्रष्टाचारया मुद्दा लाःम्ह खड्कायात आइतवाः प्रधानन्यायाधीश रामप्रसाद श्रेष्ट व न्यायाधीश सुशीला कार्कीया मंकाः इजलासं वय्कःया सम्पत्ति विवरण प्रष्ट रुपं खुले मजूगु धासें झिंन्यान्हुया दुने आदलतय् उपस्थित जुइत आदेश ब्यूगु खः ।

थ्वस्वयां न्ह्यः खड्का विरुद्ध विशेष अदालतय् चले जुयाच्वंगु मुद्दाय् अदालतं सफाइ ब्यूगु खः । लिपा हानं खड्कां थःगु सम्पत्तिया स्रोत खुले मयाःगु धासें वय्कः विरुद्ध सर्वोच्चय् मुद्दा दायर याःगु खः । खड्कां प्यंगू करोड भ्रष्टाचार याःगु अभियोग लगे यानातःगु दु ।‍