थुगुसी पाहांचःर्हे जात्रा
येँ (सन्ध्या टाइम्स)/थुगुसी पाहांचःर्हेया खः जात्रा गुकथं न्ह्याकेगु धकाः नकतिनि च्वंगु द्यः खलःतय् मुँज्यां जात्रा यायेगु तिथि क्वःछिउगु दु। कंगः अजिमा खलः पाखें बिउगु जानकारी कथं थुगुसी चिल्लागा चःर्हे (चैत्र १९ गते) कुन्हु परम्परा व नीति कथं धार्मिक व सांस्कृतिक ज्याझ्वः न्ह्याकेगु, चिल्लागा आमाइ (चैत्र २० गते) घोडेजात्रा कुन्हु चान्हसिया ११ बजे तिंख्यलय् द्यः ल्वाकेगु व चौलाथ्व पारु (चैत्र २१ गते) कुन्हु न्हिनसिया २ बजे असं दुवातय् द्यः ल्वाकेगु निर्णय जूगु दु। कंग अजिमा द्यःछेँय् भाजु रामकृष्ण महर्जनया सभापतित्वय् कंग अजिमा खलः, भद्रकाली तेबाहाः खलः व भद्रकाली वतु खलःया दथुइ च्वंगु मुँज्यां थ्व निर्णय याःगु खः ।
