यात्रुबहाक बसय् बम विष्फोट, ६म्ह घाःपाः
महेन्द्र राजमार्ग अन्तर्गत बाँकेया कोहलपुर-नेपालगञ्ज सतकय् शनिवाः छगः यात्रु बहाक बसय् बम विष्फोट जूगु दु ।
शनिवाः न्हिनय् ना. ४. ख. १३३२ नम्बरया यात्रुबहाक बसय् बम विष्फोट जुयाः ६म्ह यात्रुत घाःपाः जूगगु दु । घाःपाः जूपिं यात्रुतय् कोहलपुर मेडिकल कलेजय् वासः जुयाच्वंगु व घाःपाः जूपिं मध्ये २म्हेसिया अवस्था चिन्ताजनक जूगु खँ कोहलपुर प्रहरीं धाःगु दु ।
नेपालगञ्जं ७ किलोमिटर तापाकः गुडे जुयाच्वंगु बसय् बम विष्फोट जूगु खः । प्रहरीं बस दुने हे च्वनाः वःम्ह यात्रुं ज्वनावःगु बम विष्फोट जूगु अनुमान याःगु खः ।
उखे थौं हे येँ नं पर्यटक ज्वनाः लुम्बिनी वनाच्वंगु बस नवलपरासीया झरही खुसिइ दुर्घटना जुयाः ३९म्ह पर्यटकत घाःपाः जूगु दु । ना. ३. ख. ५०८३ नम्बरया बस दुर्घटना जुयाः घाःपाः जूपिं पर्यटकतय्त वासः याकेत भैरहवा यंकूगु खँ प्रहरीं धाःगु दु ।
