प्रधानसेनापति गुरुङ अमेरिका प्रस्थान

संयुक्त राज्य अमेरिकी सरकारया औपचारिक ब्वनाय् प्रधानसेनापति छत्रमानिसंह गुरुङ थौं अमेरिका प्रस्थान यानादीगु दु ।

अमेरिकाय् प्रधानसेनापति गुरुङं अमेरिकी सेना प्रमुख लगायत उच्च सैनिक अधिकृतय्त नापलानादीगु ज्याझ्वलय् दु । अथेहे हे वय्कलं कमाण्डो एण्ड जनरल स्टाफ कलेजया छगू ज्याझ्वलय् ब्वति काइगु नं ज्याझ्वः दु ।

थः जहान कमला गुरुङ व छम्ह स्टाफ अधिकृतनाप अमेरिका प्रस्थान यानादीम्ह गुरुङयात त्रिभुवन अन्तर्राष्ट्रिय विमानस्थलय् रथी तोरण जंगबहादुर सिंह, अमेरिकी राजदूत स्कट एच डेलिसी लगायतं विदाई यानादीगु खः ।

वय्कःया अनुपस्थितिइ कायम मुकायम प्रधानसेनापतिया कार्यभार रथी सिंहं ग्रहण यानादी । प्रधानसेनापति गुरुङ वइगु चैत २७ गते येँय् लिहांझाइगु ज्याझ्वः दु ।