बहुमत एमाले नेतृत्वया सरकारया पक्षय् : पौडेल
नेपाली कांग्रेसया उपसभापति रामचन्द्र पौडेलं व्यवस्थापिका संसदय् दुथ्यापिं सांसदतय् कुल ल्याःया बहुमत एमाले नेतृत्वया सरकारया पक्षय् दुगु धयादीगु दु ।
सोमवाः रिपोर्टस क्लबय् जूगु छगू ज्याझ्वल् न्ववानादिसें कांग्रेस, फोरम लगायत राजनीतिक दलया समर्थन एमाले नेतृत्वया सरकारयात दुगु धासें एमाले नेतृत्वया सरकार गठन यायेत आवश्यक ल्याः दुगु दाबी यानादिल ।
वयेकलं न्हूगु सरकार गुनं हालतं माओवादी नेतृत्वय् गठन मजुइगु धासें एमाले नेतृत्वया सरकार याकनं हे गठन जुइगु धयादिल । बरु एमाले नेतृत्वया सरकारयात ग्वहालि यायेत माओवादी यात इनाप यानादिल ।
उपसभापति पौडेलं माओवादीं न्हूगु सरकार गठन यायेत सदन अवरुद्ध यानाः पंगः थनाच्वंसाः मेगू लँपू मालेत थःपिं बाध्य जुइगु धयादिल । राष्ट्रपतिया पलाः असंवैधानिक मजूगु धासें वयेकलं यदि थ्व पलाः भिंकेगु नांमय् मेगू पलाः ल्ह्वंसाः संवैधानिक व राजनीतिक अनर्थ जुइ धयादिल ।
