कन्हय् न्हय्सः साय्मि भ्वय्
येँ (सन्ध्या टाइम्स)/ने.सं. ११३१ चिल्लागा सप्तमि, सन्चरवाः। दँय्दसं थें थुगुसीया साय्मि भ्वय् (स्वयम्भू भ्वय्) कन्हय् न्यायेकीगु जूगु दु। न्हपा लिपा दँय्दसं होलिपुन्हि लिपाया न्हापांगु बुधवाः न्यायेकेगु याना वयाच्वंगु खःसा छुं दँ न्ह्यव निसें थ्व स्वयम्भू भ्वय् होलिपुन्हि धुंकाः न्हापांगु सन्चरवाः न्यायेकेगु याना हःगु खः। थुगुसीया स्वयम्भू भ्वजय् स्वनिगः न्यंकं व स्वनिगः पिने छुं छुं जिल्लायापिं यानाः झिंखुम्ह साय्मितय्सं ब्वति काइगु खँ सीदुगु दु ।
