'माओवादी-एमाले सहमति वाम ध्रुविकरणया निंतिं मखु'

प्रधानमन्त्री झलनाथ खनालं एनेकपा (माओवादी) व नेकपा (एमाले) दथुइ जूगु सहमति वाम ध्रुविकरणया निंतिं मजूगु स्पष्ट यानादीगु दु । वय्कलं धयादिल, 'थ्व सहमति वाम ध्रुविकरणया निंतिं मखसें बृहत्त एकताया निंतिं खः ।'

एमाले अञ्चल सम्पर्क कमिटी व जिल्ला सम्पर्क मञ्चया निंतिं ग्वसाःग्वःगु प्रशिक्षण ज्याझ्वलय् वय्कलं छुं नं दलयात छखे लाकेत निगू वाम दलं सहमति मयागु धयादिसें थः दक्वं दलतय्त दुथ्याः न्ह्याः वनेत स्वयाच्वनागु धयादिल ।

शान्ति व संविधान निर्माणया निंतिं फुक्कं छप्पँ जुयाः न्ह्याः वनेगुया विकल्प मदुगु स्पष्ट यानादिसें प्रधानमन्त्री खनालं संविधान निर्माण स्वयां न्ह्यः हे शान्ति प्रक्रिया क्वचाइगु दावी यानादिल । वयय्कलं छुं दिंया दुने हे सेना समायोजनया खाका सार्वजनिक जुइगु नं धयादिल ।