प्यन्हुया दुने सेना समायोजनया मोडालिटी तयार याइगु

एनेकपा (माओवादी)या लडाकुया समायोजन व पुनस्थापनाया मोडालिटी तयार यायेत सेना समायोजन विशेष समितिं छगू उपसमिति निस्वंगु दु ।

सेना समायोजन विशेष समितिया थौं च्वंगु मुँज्यां प्यम्ह दुजः दुगु उपसमिति निस्वंगु खः । उगु उपसमितिइ माओवादीपाखें जनार्दन शर्मा, कांग्रेसपाखें डा. रामशरण महत, एमालेपाखें इश्वर पोखरेल व मधेशी जनअधिकार फोरमपाखें जेपी गुप्ता दी ।

सेना समायोजन नापं पुनस्थापना व स्वेच्छि अवकासया निंतिं मोडालिटी तयार यायेत उपसमितियात प्यन्हुया ई ब्यूगु दु ।