थौं कुमारी छेँया न्ह्यःने न्यतमरु अजिमा प्याखं

येँ (सन्ध्या टाइम्स)/झिंनिदँय् छक्वः पिहां वइगु न्यतमरु अजिमाया द्यःप्याखं थौं मरुइ कुमारीछेँया न्ह्यःने क्यनीगु जूगु दु। म्हीग थ्व प्याखं तलेजु दुने च्वंगु दबुली क्यंगु खः। झिंनिदँय् छक्वः पिहां वयेमाःगु खःसां थुगुसी स्वीखुदँ लिपा थ्व प्याखं पिहां वयाच्वंगु खः। प्याखं स्वयेत उगु लागाय् मनूतय् दथुइ तःधंगु उत्साह जुयाच्वंगु दु ।