तरुण दलं माओवादी लडाकु पुनः प्रमाणिकरण यायेत माग

माओवादी लडाकुया पुनः प्रमाणिकरण यायेत माग यासें नेपाल तरुण दलं राष्ट्रसंघीय मिसन अनमिनया ध्यानाकर्षण याःगु दु ।

तरुण दलया कार्यकर्तातय्सं सोमवाः सुथय् अनमिनया ज्याकू बानेश्वर वनाः लडाकुतय् पुनः प्रमाणिकरण यायेत माग याःगु खः । प्रधानमन्त्री पुष्पकमल दाहाल प्रचण्डं झिंखुलाः न्ह्यः थः लडाकूतय्त ब्यूगु प्रशिक्षणया भिडियो टेप सार्वजनीक जुइवं पुनः प्रमाणिकरणया निंतिं थीथी राजनीतिक दलतय्सं पुनः प्रमाणिकरण यायेत माग यानाच्वंगु दु । उगु भिडियो टेपय् प्रचण्डं थः सेनाया ल्याः न्ह्यःद्वं जक जूगु धकाः धाःगु खः ।

सोमवाः तरुण दलं अनमिनयात थ्व माग यायेगु झ्वलय् अनमिन ज्याकू न्ह्यने धर्ना नं च्वंगु खः ।