न्हूगु निर्वाचन लिपा जक पदाधिकारी हिलीगु

न्हूगु संविधान जारी लिपा निर्वाचन जुइधुंकाः जक आःया पदाधिकारीत हिलीगु सहमति राजनीतिक दलतय्सं याःगु दु ।

संविधानसभाया विवादित विषय ज्यंकेत निस्वंगु उपसमितिया थौं सिंहदरवारय् च्वंगु मुँज्यां संक्रमणकालीन व्यवस्थाय् सहमति कायम यानाः न्हूगु व्यवस्था मजुतले आःयापिं हे पदाधिकारीपितंत बहाल यानातयेगु खँ क्वःछिउगु खः ।

थुगु सहमति लिपा आः न्हूगु संविधान निर्माण लिपा निर्वाचन मजुतले राष्ट्रपति, सरकार, संवैधानिक निकायया प्रमुख, सभासदत थःथःगु पदय् बहाल जुयाच्वनी ।