खनालं कार्यभार मत्वःतीगु दावी
येँ (सन्ध्या टाइम्स)/एमाले उपाध्यक्ष वामदेव गौतमं पार्टी अध्यक्ष झलनाथ खनाल प्रधानमन्त्री जुयादीसां वय्कलं कार्यभार सुयातं त्वःती मखु धयादीगु दु। अध्यक्षं थः विदेश वनेगु इलय् बाहेक कार्यभार त्वःतेमाःगु प्रावधान मदु धासें आः नं वय्कलं कार्यभार त्वःती मखु धयादिल। अध्यक्षं कार्यभार त्वःतल धाःसा केपी ओलीयात बीमाः धकाः एमाले दुने लबिंग जुयाच्वंगु दु ।
