'नेपाः-भारत स्वापू पारिवारिक खः'

येँ (सन्ध्या टाइम्स)/भारतं थःत तःधिकःम्ह दाजु दयेकाः नेपाःलिसे व्यवहार यानाच्वन धकाः आलोचना जुयाच्वंगु हे इलय् नेपाःया लागिं भारतीय राजदूत राकेश सुदं नेपाः व भारतया स्वापू जःलाखःला जक मखु 'पारिवारिक' हे खः धयादीगु दु। म्हिगः पाल्पाय् छगू क्याम्पस भवन उलेज्या यासें वय्कलं थ्व खँ धयादीगु खः। लिसें वय्कलं चाःहीकाः 'नेपालय् उपयुक्त सरकार वल कि थन आखः ब्वंकाच्वंपिं भारतीय प्राध्यापकतय् समस्या समाधान याना बीगु' आश्वासन नं बियादिल ।