स्ववियुया ई थपप्रति नेविसंघ असन्तुष्ट

नेपाल विद्यार्थी सङ्घं त्रिभुवन विश्वविद्यालयं स्वतन्त्र विद्यार्थी युनियनया ई तनेगु ज्या याःगुलिं असन्तुष्टि प्वंकूगु दु । नेविसंघ नायः प्रदीप पौडेलया नेतृत्वय् वंपिं संघलिसे आवद्ध विद्यार्थीतय्सं त्रिभुवन विश्वविद्यालयया उपकुलपतियात ज्ञापन पौ लःल्हानाः ई तंगुलिं च्यूताः प्वंकूगु खः ।

नेविसंघं स्वन्हुयादुने प्रत्यक्ष निर्वाचन प्रणालीया आधारय् निर्वाचनया ज्याझ्वः पिथनेत विश्वविद्यालयलिसे माग याःगु दु । ज्ञापन पौ लःल्हाना कयादिसें त्रिविविया उपकुलपति माधवप्रसाद शर्मां विद्यार्थी सङ्गठनत दथुइ सहमति जुइवं निर्वाचन प्रक्रियाय् वनेगु धयादीगु खः । अखिल क्रान्तिकारी व अनेरास्ववियुं समानुपातिक निर्वाचन प्रणाली छ्यलेमाःगु धया वयाच्वंगु खः ।