'राष्ट्रियताया मंकाः अवधारणा'
येँ (सन्ध्या टाइम्स)/एकीकृत माओवादीया उपाध्यक्ष डा. बाबुराम भट्टराईं राष्ट्रियताया सवालय् फुक्क हे दलत छप्पँजुइमाः धकाः बः बियादीगु दु। राष्ट्रियता क्वातुकेगु नितिं दक्व दलतसें मंकाः कथं राष्ट्रियताया सवालय् अवधारणा दयेकेमाःगु खँ वय्कलं धयादीगु दु ।
थौं दार्चुलाया खलंगाय् जूगु छगू ज्याझ्वलय् न्ववासें वय्कलं राष्ट्रियता बलाकेत भारतनाप स्वानाच्वंगु सिमाना व्यवस्थित यायेमाःगु खँ नं कनादिल ।
भारतलिसेया सीमा विवाद नाप स्वानाच्वंगु कालापानीया विवाद महाकालीया उद्मस्थलया आधारय् ज्यंकेमाः धासें वय्कलं आर्थिक रुपं सवल जुइफत धाःसा जक झी बल्लाइ धयादिल ।
