थौं जातीय विभेद उन्मुलन दिवस
येँ (सन्ध्या टाइम्स)/'फुक्क कथंया भेदभाव अन्त्य याये नु, दलित मैत्री संविधान निर्माण याये नु' धइगु मू नारा थ्वयेकाः थौं ४६ क्वःगु अन्तर्राष्ट्रिष्य जातीय विभेद उन्मूलन दिवस नेपालय् नं थीथी कथंया ज्याझ्वः यासें हनाच्वंगु दु। उगु दिवसया लसताय् राष्ट्रिय दलित आयोग, जातीय विभेद विरुद्धया नितिं राष्ट्रिय मञ्च नापं थीथी कथंया संघ संस्थात मुनाः मंकाः कथं येँय् ज्याझ्वः यानाच्वंगु दु। थ्वहे झ्वलय् राष्ट्रिय दलित आयोग व नेपालय् च्वंगु संयुक्त राष्ट्रसंघीय मानव अधिकार उच्चायुक्तया ज्याकूपाखें जातीय विभेद उन्मूलन सम्बन्धी अन्तर्राष्ट्रिय जातीय विभेद उन्मूलन दिवसया लसताय् सरकारया जातीय विभेद नापं फुक्क कथंया विभेद अन्त्य यायेत माःगु कथं प्रतिबद्धता प्वंकेत इनाप याःगु दु। सन् १९६६ निसें मार्च २१ यात संयुक्त राष्ट्र संघंया आह्वान कथं अन्तर्राष्ट्रिय जातिभेद उन्मुलन दिवसया रुपय् विश्वन्यंकं हना वयाच्वंगु खः ।
