स्वीखुदँ लिपा द्यः जात्रा

येँ (सन्ध्या टाइम्स)/वंगु ३६ दँ न्ह्यवंनिसें दिनाच्वंगु न्यतमरु अजिमाया झिंनिदँया मेला थौं जुइत्यंगु दु। श्वेतकाली माईया जात्रा नं धाइगु थ्व जात्रा ३६ दँ लिपा थौं न्हापांखुसी न्यतपाःच्व द्यःछेँनं पित हयाः हनुमानध्वाखाया तलेजुइ प्रवेश याकेत्यंगु दु। थौं अन द्यःगण प्रवेश याकाः तलेजुया न्ह्यःने च्वंगु दुबली कन्हय् तक प्याखं हुइका तइ। अथे हे बुधवाः कुमारीछेँया न्ह्यःने च्वंगु दबुली न्ह्यासु बिज्याकाः विहीवाः देवी प्याखं हुइकी। थ्व प्याखं झिंनिदँय् छक्वः पित हयेमाःगु खःसां थीथी कारणं यानाः दिनाच्वंगु खः ।