राष्ट्रपति पाखें संविधान निर्माणया बारे च्यूता

राष्ट्रपति डा. रामवरण यादवं संविधान निर्माणया बारे च्यूता प्वंकादीगु दु ।

राष्ट्रपति भवन शितल निवासय् थौं सभामुख सुभाषचन्द्र नेम्वाङनाप खँल्हाबंला यानादिसें वय्कलं संविधान निर्माण यायेगु ई निला जक ल्यँ दनीगु धासें च्यूता प्वंकादीगु खः । घौच्छि तक जूगु खँल्हाबंलाय् राष्ट्रपति यादवं राजनीतिक दलत दथुइया कचवंया हुनिं यदि जेठ १४ गतेया दुने संविधान निर्माण जुइमफुसाः छु जुइ धासें च्यूता प्वंकूगु खँ सीदुगु दु ।

खँल्हाबंलाया झ्वलय् सभामुख नेम्वाङं संविधान निर्माणय् खनेदुगु विवादित विषय ज्यंकेत निस्वंगु उपसमितिं यानाच्वंगु प्रगतिया बारे राष्ट्रपतियात जानकारी बियादीगु खः ।