चाल्स्रया कलाःपाखें भूपू गोर्खायात समर्थन
बेलायतय् थःगु अधिकारया लागिं ल्वानाच्वंपिं भूतपूर्व गोर्खा सैनिकतय्त स्वय्म बेलायती राजपरिवारया दुजःतय्गु तकं समर्थन दुगु खँ सीदुगु दु । युवराज चाल्स्रया आःयाम्ह कलाः मय्जु क्यामिला पार्करपाखें गोर्खा आन्दोलनयात अज्याःगु समर्थन वःगु खः ।
बेलायती आन्दोलनयात समर्थन यायेगुली अनया कलाकार जोना लुम्ले अतिकं चर्चित जू । मय्जु पार्करं गोर्खा आन्दोलनयात समर्थन यासें च्वयादीगु छपु पौ लुम्लेयात हे लःल्हाःगु खः । लुम्लें गोर्खा आन्दोलनकारीतय्त थुकिया जानकारी बीधुंकूगु दु ।
