डीबी कार्कीयात खुला कुनेत आदेश

घुस प्रकरणय् मुद्दा चलेजुयाच्वंम्ह नेकपा (एमाले)या सभासद् डीबी कार्कीयात खुला कुनेगु फैसला विशेष अदालतं न्यंकूगु दु ।

घुस कयाच्वंगु इलय् ज्वंम्ह कार्कीयात अख्तियार दुरुपयोग अनुसन्धान आयोगं दयार याःगु मुद्दाय् विशेष अदालतया अध्यक्ष गौरीबहादुर कार्की व दुजःत ओमप्रकाश मिश्र व केदारप्रसाद चालिसेया मंकाः इजलासं उगु फौसला न्यंकूगु खः ।

अदालतया फौसला कथं कार्कीयात खुला कैद व छगू लख दां जरिवाना असुल यायेत नं आदेश ब्यूगु दु । अथेहे कार्की नापं ज्वम्ह वय्कःया ग्वाहालिमि स्वामी एक हजार आठ ब्रम्हानन्द उदासीनयात नं प्यला कैद व छगू लख दां जरिवाना कायेगु फैसला याःगु दु ।

सभासद् कार्कीं इन्स्पेक्टर दयेकाः बीगु धकाः छगू लख दां बैना कयाच्वंगु इलय् स्वामी उदासीननापं अख्तियारं च्वंगु खः ।