राजनीतिक विश्लेषक सीके लाल महामूर्ख

राजनीतिक विश्लेषक सीकेलाल महामूर्ख घोषित जुयादीगु दु । धनुषाया जानकी देगःलिक्क थौं ग्वसाः ग्वःगु महामूर्ख सम्मेलनय् सीकेलालयात थुगु दँया महामूर्ख घोषित याःगु खः । ग्वसाः खलः मिनापया नायः सुनिल मल्लिकयाकथं मुर्खाधिराज प्राज्ञ रमेश रञ्जन झा व पटमूर्ख प्राज्ञ रामभरोस कापडी जुयादीगु दु ।

महामूर्ख सम्मेलनय् कांग्रेस नेता बिमलेन्द्र निधि, पत्रकार चन्द्रकिशोर झा, बृहत्तर जनकपुर क्षेत्र विकास परिषद्या नायः दिगम्बर राय, साहित्यकार रेवती रमणलाल लगायतपिनिगु नं ब्वति दुगु खः । हरेक दँ होली पुन्हिया दिंसं महामूर्खया उपाधी जनकपुरया सुं विशिष्ट मनूयात बिइगु परम्परा दु । वंगु दँ एमाले नेता रामचन्द्र झायात महामूर्खया उपाधी ब्यूगु खःसा २०६५ सालय् डा. राजेन्द्र विमल महामूर्ख घोषित जुयादीगु खः ।