बालाजु लायन्सया पदस्थापन
लायन्स क्लब अफ बालाजुया अध्यक्ष लायन मणिश्री रत्न बज्राचार्यया अध्यक्षताय् लायन्स क्लब अन्तर्रा-ष्ट्रिय नीति नियम कथं न्हूगु दँया निंतिं निर्वाचन कमिटीया संयोजक गौतममान श्रेष्ठं न्हूगु ज्यासना पुचः पदस्थापन यानादीगु दु । ज्याझ्वलय् वय्कलं निर्वाचित न्हूगु समितिया पदाधिकारीत निर्वाचित जूगु घोषणा यासें म्हसीका नं न्ह्यब्वयादीगु खः ।
ज्याझ्वलय् न्हूगु ज्यासना पुचःया अध्यक्ष लायन सुरेन्द्ररत्न शाक्य न्हापांम्ह उपाध्यक्ष महेश्वर राज पाण्डे, निम्हम्ह उपाध्यक्ष राजनबाबु श्रेष्ठ, सचिव दिनेश पौडेल, कोषाध्यक्ष प्रेमकुमार अर्याल, रमेश नकर्मी, किरण सापकोटा, धर्ममान महर्जन, सुशिलराज अर्यालिपं च्वनादीगु दुसा निर्देशकय् छसीकथं लायन अजयरत्न स्थापित, हिमालयन प्रसाद शर्मा, महेन्द्रमान श्रेष्ठ, मिलनप्रेम श्रेष्ठ, बल्लभबहादुर प्रधानाङ्ग व लायन तिलकबहादुर राणा च्वनादीगु दु ।
अथे हे सल्लाहकारय् पुलांम्ह डिष्ट्रिक गभर्नर शशिकुमार अर्याल, विश्वराज भट्टराई, रणबहादुर शाही व लियो सल्लाहकारय् राममान श्रेष्ठ च्वनादीगु दु । उगु ज्याझ्वलय् अध्यक्ष सल्लाहकार व लायन्सिपंसं न्हूपिं निर्वाचित व कार्यकारिणी समितिया दुजःतय्त बधाई व भिंतुना देछानादीगु खः ।
