संविधान निर्माण पूवंकेत सरकार प्रतिबद्ध : प्रधानमन्त्री खनाल

प्रधानमन्त्री झलनाथ खनालं क्वःछिनात:गु इलय् हे शान्ति प्रक्रिया व संविधान दयेकेगु ज्या पूवंकेत सरकार प्रतिवद्ध दुगु खँ धयादीगु दु ।

थौं थीथी देय्या राजदूततलिसेया नापलाय् ज्याय् प्रधानमन्त्री खनालं दलत दथुइ सहमति कायम यानाः शान्ति प्रक्रिया लिच्वलय् थ्यंकेगु खँ न्ह्यथनादीगु प्रधानमन्त्रीया परराष्ट्र मामिला सल्लाहकार मिलन तुलाधरं जानकारी बियादिल।

प्रधानमन्त्री खनालयात थौं फिलिपिन्स, बेल्जियम व अर्मानियाया राजदूततय्सं बालुवाटारय् नापला:गु खः । उमिसं नेपाःया शान्ति प्रक्रिया, संविधान दयेकेगु लिसे विकासया गतिविधिबारे च्यूताः प्वंकूगु तुलाधरं जानकारी बियादीगु दु ।