पुलाम्ह मन्त्री वाग्लेयात ज्वन

सर्वोच्च अदालतं भ्रष्टाचार याःगु ठहर याःम्ह पुलाम्ह मन्त्री नापं कांग्रेस नेता चिरञ्जीवी वाग्लेयात बिहीवाः ज्वनाः डिल्लीबजार कारागारय् चालन याःगु दु । अदालतं २ करोड व ३ लख जरिवाना व १६ महिना कुनेगु आदेश ब्यूगु कन्हय् कुन्हु वाग्लेयात ज्वनाः जेल चालन याःगु खः ।

भ्रष्टाचार याःगु ठहर जुम्ह वाग्लेयात ज्वनेत बिहीवा: वय्कःया येँया कालोपुल स्थित छेँय् सर्वोच्चया कर्मचारीत थ्यंकूगु खः । तर सर्वोच्चया कर्मचारीतय् इनापयात वेवास्ता यायेवं प्रहरीया विशेष पुचः अन थ्यंकेवं जक वाग्ले सुरक्षाकर्मितनाप वनेत तयार जूगु खः ।