जुजुया तस्बिर दुगु नोट हानं चले यायेगु निर्णय

नेपाल राष्ट्र बैंकं पुलांपिं जुजुया तस्बिर दुगु नोट हानं चले यायेगु निर्णय याःगु दु । अख्तियार दुरुपयोग अनुसन्धान आयोगं बैंकंया डेपुटी गर्भनर लगायत बैंकया प्रवक्ता, मुद्रा व्यवस्थापन व कानुन महाशाखाया प्रमुखतनाप बयान काःगु कन्हय् कुन्हु बैंकं थःगु हे निर्णययात लितकाःगु खः ।

सर्वसाधारणयात छुं नं पूर्व सूचं मब्यूसें नोट चीकेत स्वःगु धासें उजुरी लयोवं अख्तियारं बैंकया कर्मचारीतनाप न्यनेकने याःगु खः ।

राष्ट्र बैंकं पुलांपिं जुजुया तस्बिर दुगु नोट हिलेत सर्वसाधारणयात थाकूगु धासें छुं दिं न्ह्यः जक याःगु थःगु हे निर्णय लितकायाः हानं अज्याःगु नोट चले यायेगु निर्णय याःगु खः ।