सुगतरत्न कंसाकारया मुद्दाय् थौं सुनुवाई
निगम दुने मेगु हे दाउ
येँ (सन्ध्या टाइम्स)/नेपाल वायुसेवा निगमया निलम्बित कार्यकारी अध्यक्ष सुगतरत्न कंसाकारयात अख्तियार दुरुपयोगं तयातःगु भ्रष्टाचारया मुद्दाय् थौं सुनुवाई जुइत्यंगु दु। वंगु आइतवाः हे जुइमाःगु थ्व सुनुवाई वकुन्हु विदा जूगुलिं थौं सारे याःगु खः ।
थौं जुइगु वहसया इलय् अदालतय् लागाय् आपालं मनूत वनीगु जुयाच्वंगु दु। नेपाल वायुसेवा निगम कर्मचारी संगठनं धाःसा थौं थःपिं उखे मवनेगु खँ धाःगु दु। वय्कःयात गुगु बैदा दां छ्वःगु कारणं भ्रष्टाचार यात धकाः द्वपं बिउगु खः, उगु बैदा दां हे लिहां वये धुंकूगु कारणं वय्कःया मुद्दा लित काइ जुइ धकाः आशा जुयाच्वंगु दुसां अख्तियारं मुद्दा धाःसा लित मकाइगु खँ धाःगु दु ।
