पुलाम्ह मन्त्री वाग्ले भ्रष्टाचारी ठहर, १६ महिना जेल चालन
Posted on Wed Mar 16, 2011 4:58 pm NST
सर्वोच्च अदालतं नेपाली कांग्रेसया नेता नापं पुलाम्ह मन्त्री चिरञ्जीवी वाग्लेयात भ्रष्टाचारी ठहर यासें जेल चालन याःगु दु ।
प्रधानन्यायाधीश रामप्रसाद श्रेष्ठ व वरिष्ठ न्यायाधीश खिमराज रेग्मीया मंकाः इजलासं वाग्लेयात १६ महिना जेल सजाय व निगू करोड व स्वंगू लख जरिवाना कायेगु फैसला न्यंकूगु दु ।
सार्वजनिक पदय् दुगु इलय् पदीय दुरुपयोग यानाः गैरकानुनी तरिकां स्रोत खुले मजूगु सम्पत्ति मुंकाः भ्रष्टाचार याःगु धासें २०५९सालय् अख्तियार दुरुपयोग अनुसन्धान आयोगं वाग्ले विरुद्ध विशेष अदालतय् मुद्दा दायर याःगु खः ।
विशेष अदालतं निदँ व खुला कैद सजाय व निगू करोड ७२ लख जरिवाना कायेगु फैसाला न्यंकूगु खःसां उगु फैसला विरुद्ध वाग्लें सर्वोच्चय् पुनरावेदन याःगु खः ।
