रुबेल चौधरीयात छवाःया दुने उपस्थित जुइत आदेश

टाइगर टप्स गोलीकाण्डय् पुलाम्ह युवराज पारस शाहं गोलीं कयेकूम्ह बंगलादेशी नागरिक रुवेल चौधरीयात जिल्ला प्रशासन ज्याकू चितवनं छवःया दुने बयान बीत उपस्थित जुइत आदेश ब्यूगु दु ।

जिल्ला प्रशासन ज्याकू चितवनं थौं शाहया ग्वाहलिमिपिं गणेश केसी व शिवबहादुर पाण्डेनापया बयान लिपा चौधरीयात उगु आदेश जारी याःगु खः । थ्वस्वयां न्ह्यः निक्वः तक लगातार अनुपस्थित जुम्ह चौधरीयात प्रजिअ बसन्तराज गौतमं उगु आदेश जारी याःगु खः ।

उखे गोलीं कयेकूम्ह धकाः सार्वजनीक ऐन अपराध अन्तर्गत मुद्दा लगेजुयाच्वम्ह शाह धाःसा स्वास्थ्य अवस्थाया कारण धासें थौं उपस्थित मजू ।