पेशीइ उपस्थित मजुसें पारस दोलखाय्

बंगलादेशी नागरिक रुबेल चौधरीयात चितवन स्थित टाइगर टप्स रिसोर्टय् गोलीं कयेकूम्ह पुलाम्ह युवराज पारस शाह बुधवाः उगु घटनाया पेशीइ उपस्थित मजुसें दोलखाय् वंगु दु ।

टाइगर टप्स गोलीकाण्डया आरोपी पारस शाहया थौं जिल्ला प्रशासन ज्याकू चितवनय् पेशी जूसां शाह थः जहान हिमानी शाहनापं दोलखा वंगु खः । बुधवाः न्हिनय् हेलिकप्टर पाखें निम्हं दोलखाया चरिकोटय् थ्यंकूगु खः ।

सार्वजनिक अपराध ऐन अन्तर्गत जिल्ला प्रशासन ज्याकू चितवनय् जिल्ला प्रशासनं पेशीया निंतिं सःतुगु खःसां शाह स्वास्थ्य अवस्थाया हुनिं धासें चितवन मवसें दोलखाय् वंगु खः । दोलखाय् शाहया छुं औपचारिक ज्याझ्वः धाःसा मदुगु खँ धाःगु दु ।