एकीकृत माओवादी पदाधिकारी बैठक

एकीकृत नेकपा (माओवादी)या पदाधिकारीतय्सं सरकारय् ब्वति दुपिं पार्टीया मन्त्रीतलिसे सरकारया कामकारवाहीया बारे जानकारी काःगु दु । पार्टी केन्द्रीय ज्याकू कोटेश्वरय् मन्त्रीतलिसेया मंकाः बैठकय् पदाधिकारीतय्सं सरकारया थौंकन्हय्या कामकारवाहीया बारे जानकारी काःगु खः ।

बैठकय् माओवादी नेतृत्वं जनताया पक्षय् दृढतापूर्वक ज्या यायेत मन्त्रीतय्त उजं नं ब्यूगु दु । माओवादी पदाधिकारीतय्सं युवा परिचालन ब्यूरोया प्रतिनिधितलिसे नं सहलह याःगु दु । सहलहलय् नेतातय्सं पदाधिकारी बैठक च्वनाः माःगु निर्णय कायेगु जानकारी ब्यूगु दु ।