राष्ट्रपतिया आह्वान नं अवैध

सहमतिया सरकार दयेकि धकाः राष्ट्रपति डा. रामवरण यादवं म्हिगः तकया म्याद बियाः उकुन्हु यानादीगु आह्वान नं वैध मजूगु बिचाः कानूनविद्तय्सं प्वंकूगु दु । राष्ट्रपतिपाखें अज्याःगु आह्वान संसद मार्फत यायेमाःगु खः । तर संसद चले मजूगु कारणं राष्ट्रपतिं यानादीगु उगु आह्वान संसदय् प्रवेश तक हे मजूनि । उिकं उकिया वैधता नं मदु । आः बहुमतया सरकार दयेकि धकाः याइगु आह्वान नं संसद मार्फत हे यायेमाः । छुं जुयाः संसदं राष्ट्रपतिया थ्व आह्वान घोषणा याये मफुत धाःसा उकिया नं वैधता मदइगु व दलतय्सं सरकार गठन याःसां उकिया कानुनी औचित्य मदइगु खँ धयाहःगु दु ।