गुणं थुगु वालं निसें व्यवसायीक उडान याइगु
गुण एअरलाइन्सं थुगु वालंनिसें व्यवसायीक रुपं उडान याइगु जूगु दु । वंगु वालय् परिक्षण उडान याःगु गुण एअर-लान्सं व्यवसायीक उडानया निंतिं अमेरिकाय् निर्माण जूगु बीचक्रा ट-१९०० पाखें सेवा संचालन यायेत्यंगु खः । थुगु विमान सेवां नेपाःया दुर्गम क्षेत्र उडान याइ ।
गुण एअरलाइन्सं विमान सेवाया निंतिं हालय् जक नागरिक उड्डयन मन्त्रालय व नेपाल नागरिक ण्ड्डयन प्राधिकरणपाखें अनुमति काःगु खः ।
थुगु एअरलाइन्सं आःया निंतिं पोखरा नेपालगंज व विराटनगरया उडान याइगु जूगु दु । आः संचालनय् हयेत्यंगु विमानय् लकसयात ल्वःगु कथंया 'प्रेसराइज्ड वेदर राडार टिसिएएस जिपिडब्ल्यूएस' लगायतया सुरक्षा उपकरण जडान यानातइगु जूगुलिं सुरक्षित जुइगु खँ सीदुगु दु ।
गुणं थ्व सिबें न्ह्यः वित्तीय हाउजिङ, मनोराजन, शिक्षा, इन्जिनियिरिङ, मेडिकल कलेज लगायातया थासय् लगानी याना वयाच्वंगु दु ।
