वालुवाटारय् आकस्मिक सुरक्षा बैठक
येँ (सन्ध्या टाइम्स)/केन्द्रीय कारागारय् दुहां वनाः गोलीं तकं कयेकेगु घटना जुइवं गृहमन्त्री समेत जुयादीम्ह प्रधानमन्त्री झलनाथ खनालं न्हूगु हे सुरक्षा रणनीति दयेकेगु निंतिं थौं सुरक्षा समितिया बैठक सःतादीगु दु ।
गृह मन्त्रालय थःगु हे भालाय् लानाच्वंगु इलय् अज्याःगु काण्ड जूगुलिं प्रम खनालं हथासं थौं हे सुरक्षा समितिया बैठक सःतादीगु खः। बैठकय् नेपाली सेना, सशस्त्र प्रहरी, जनपद प्रहरी व राष्ट्रिय अनुसन्धान विभागया प्रमुखतय्गु उपस्थिति दइ ।
नकली भारुया कारोवार याःगु द्वपनय् कुनातःम्ह संचार उद्यमी युनिस अन्सारीयात म्हिगः छम्ह भारतीय नागरिकं जेलय् दुने हे दुहां वनाः गोलीं कयेकूगु खः ।
