रथी वज्राचार्यया बढुवा निदँ रोक्का
येँ (सन्ध्या टाइम्स)/नेपाली सेनाया सहायक रथी किरण वज्राचार्ययात निदँ तक बढुवा रोक्का यायेगु सजायँ बिउगु दु। थः स्वयां च्वय्याम्ह अधिकृत नरेश बस्नेतया बढुवा रोके यायेत प्रधानमन्त्रीयाथाय् लबिङ्ग याः वंगु द्वपं बियाः वय्कःयात कोर्ट मार्शल याःगु खः। थुकी मेपिं नं सैनिक पदाधि�कारीतय् बढुवा रोक्का याःगु दु। सूत्रं धाः कथं थ्व कारवाहीपाखें रथी वज्राचार्य मेगु निदँ लिपा नरेश बस्नेतया हे थासय् बढुवा जुइगु लँपु धाःसा पनी मखु। आः हे अवकास कायेमाःम्ह बस्नेतया पदावधि जंगी अड्डां निदँ थपे याःगु खःसा सेना दुने थ्व ज्या पनेगु लागिं हे लबिङ्ग जूगु खः ।
