आः लगानीकर्तात नं संगठित
आः लगानीकर्तात नं संगठित रुपं न्ह्याः वनीगु जूगु दु । थुकिया निंतिं आः नकतिनि संगठित रुपं लगानी प्रवाह यायेगु उद्देश्यं चायेकूगु लगानीकर्तातय् मंकाः संस्था हाथवे इन्भेष्टमेण्ट नेपाल लिमिटेडया उलेज्या संस्थाया नायः हेमराज ढकालं यानादिल ।
थनया कान्तिपथय् चायेकूगु उगु संस्थाया अधिकृत पूँजी १ अर्ब जारी पूँजी १९ करोड व चुक्ता पूँजी १४ करोड दुगु जानकारी बिउगु दु ।
संस्था प्रतिष्ठित बैंकर हाइड्रोपावर विषेशज्ञ पूँजीबजारया विश्लेषक विज्ञत चार्टड एकाउण्टेन्ट उद्यमी रेमिट्यान्स सेवाया संचालक रियल स्टेट क्षेत्रया व्यवसायीत जाना चायेकूगु खः ।
संस्थां उत्पादन व सेवामूलक क्षेत्रय् लगानी यायेगु लिसें थीथी कथंया कम्पनीया व्यवस्थापन यायेगु मर्जर टेकओभर प्रदर्शनी व उकियात माःकथंया परामर्श सेवाः बीगु लक्ष्य तःगु दु ।
संस्थाया प्रबन्ध संचालकय् अम्बिकाप्रसाद पौडेल व संचालकय् चार्टड एकाउण्टेन्ट ज्ञानबहादुर जि.सी, विनोद थकाली व मधुसुदन सिलवालिपं च्वनादीगु दु ।
